AGREE kami sa sinabi ni Tito Deo Endrinal ng ABS-CBN na si Maja Salvador ang susunod na next important star ng kanilang network.
Bukod kasi sa very talented ang dalaga, napaka-down to earth din nito at pinagbubuti ang lahat ng trabahong ibinibigay sa kanya. She deserves all the blessings that she’s enjoying now!
Maja turned 19 yesterday at nagkaroon ng presscon and at the same time parang asalto na rin sa kanya ang staff at production team na bumubuo ng Pangarap Na Bituin kung saan regular siyang napapanood ngayon.
Sorpresa ito para kay Maja kaya teary eyed ang dalaga nang i-announce ni Tito Deo ang tungkol dito. Tito Deo also recalled na taong 2004 nang lumabas si Maja sa isang interbyu para sa The Buzz and the rest is history.
Sa surprise birthday presscon, present din ang ka-loveteam ni Maja na si Jay-R Siaboc sa Pangarap na Bituin. Sa umpisa ng presscon, the press addressed them Ruby and Jeffrey. Ito ang mga character na ginagampanan nila sa Pangarap na Bituin.
May regalo si Jay-R kay Maja. Isa itong necklace pero hindi namin alamkung white gold ba ito o silver.
“Nakaka-touch, kasi alam ko na marami pang bayarin si Jay-R at nagsisimula pa lang din siya, pero nag-effort si-yang magbigay ng gift,” kuwento ni Maja.
Ipinahayag din ni Jay-R ang kanyang pagmamahal at pasasalamat kay Maja.
“Napakasuwerte ko dahil siya ang nakapartner ko. Hindi siya madamot magturo, hindi siya mahirap pakisamahan. Wala siguro ako rito ngayon kung hindi dahil sa kanya,” wika pa niya.
Happy birthday, Maja,
* * *
BONGGA ang launch ng ASAP Supahdance Album na ginanap sa isang bar ma-lapit sa ABS-CBN last Wednesday night. Present ang mga star ng ASAP 07 at ang iba pang celebrities na nagbigay ng kani-kanilang dance number para sa mga kantang nakapaloob sa album.
Tampok sa Supahdance album ang 14 trucks ng iba’t ibang dance mixes na may kasama pang dance steps ga-ling sa mga itinuturing na dance royalties ng industriya.
Ang mga participating celebrities sa Supahdance album ay ang UD4 nina John Prats, Maja Salvador, Shaina Magdayao at Rayver Cruz. Pinasisikat nila ngayon ang sayaw na dulce Tira Tirah na siyang carrier single ng album.
Si Gerald Anderson naman ay muling pakikiligina ng fans sa kanyang paggawa sa sayaw na Booty Bump Bump.
May participatin din si Gabriel Valenciano via Shake Yo Thang, Iya Villania for Hip Hop Salsa, Full Circle ng Star Magic for Rockin’ Crazy, Saicy Aguila and Mickey Perz para sa version nila ng Stop ‘N Go, Wowowee’s ASF Girls para sa sayaw na Uhm Ahh Ahh at Kitty Girls na tinaguriang Pussy Cat Dolls ng ‘Pinas para naman sa sayaw na Dancing Naked.
Ang ultimate showgirl na si Vina Morales ay may nakabibighaning kilos at sayaw naman to the tune of Real Man. Maging si Vhong Navarro a.k.a. Lastikman ay may bago at swabeng galaw para sa kantang Boom Tiyaya Boom.
Hindi rin nagpahuli ang dance alien na si Kokey. Tampok bilang bonus track sa album ang Kokey Dance Remix pati na rin ang Christmas version ng Kembot.
Available na ang Supahdance album sa lahat ng record bars nationwide.
No comments:
Post a Comment